Argazkiak aurkezteko epea urriaren 5ean hasi eta 30ean amaituko da.
Berrikuntza gisa, aurtengo oinarrietan zehazten da argazkiek horizontalak izan behar dutela eta gomendatutako tamaina 22,7 x 18,2 cm-koa dela.
Urtero bezala, Udaleko Kultura Batzordeak Abuztuko Jaiak iragartzeko Kartel Lehiaketaren oinarriak argitaratu ditu.
Aurten lanak aurkezteko datak ekainaren 15etik uztailaren 2ra bitartekoak izango dira, eta, ondoren, webgunean uztailaren 6tik 10era bitartean bozketari ekingo zaio.
Bi kategoria bereizten dira: 18 urtetik gorakoak eta beherakoak.
Igerilekuen denboraldia datorren ekainaren 13an hasi eta irailaren 13an amaituko da. Bainatzeko ordutegia 11:00etatik 15:00etara eta 15:45etik 20:30era izango da.
Instalazioetara sartzeko, beharrezkoa izango da abonu edo eguneko sarrera bat aurkeztea. Abonuak Udal bulegoetan erosi ahal izango dira gaurtik aurrera, ekainak 8, astelehena, eta salbuespen gisa, igerilekuetako instalazioetan bertan.
Jarraian, instalazioak erabiltzeko arauak eta tasak eransten dira.
Dagoeneko zabalik dago maiatzaren 18tik 22ra “Sargantana” haur-eskolan matrikula egiteko epea. Horretarako, ezinbestekoa da aldez aurretik hitzordua eskatzea 948 87 70 05 edo 652 42 87 24 telefonoetan, matrikula aurrez aurre egin behar baita.
Matrikula formalizatzeko, dokumentu hauek beharrezkoak dira:
“El Toril” Jubilatuen Klubak txango bat antolatu du ekainaren 19rako, Donibane Lohizune, Baiona eta Biarritz hiriak bisitatzeko.
Prezioa 50 € bazkideentzat eta 55 € bazkide ez direnentzat izango da.
Izena emateko azken eguna ekainaren 7a da, klubean bertan aurrez aurre ordainduz.
Jubilatuen Klubak paella jana antolatu du ekainaren 28rako, San Pedro jaietako egitarauaren baitan.
Prezioa 10 € izango da bazkideentzat eta 25 € bazkide ez direnentzat. Izena emateko epea ekainaren 15ean amaituko da.
Jarraian, irudian, informazio guztia eransten da.
Maiatzaren 1ean, ostiralarekin, hasiko dira, beste urte batez, egutegian ezarritako lehen jaiak, eta astelehenean, hilak 4, amaitu egingo dira. Egitarauak hainbat ekitaldi ditu, horietako batzuk berritzaileak, bai Udalak bai Kuadrillen Batzordeak antolatuta.
Kuadrillen Batzordeak arestian bere sare sozialetan programazioa iragarri ondoren, jakinarazten da Udalak prestatutako programa fisikoak aurki egongo direla eskuragarri herriko hainbat establezimendutan:
Jarraian, bai Udalaren (lehenengo) bai Kuadrillen Batzordearen (beherago) kartelak eransten dira, non, besteak beste, Herri paellan izena emateko pausoak azaltzen diren.
Motoclub 4-40k antolatuta, datorren larunbatean, apirilak 18, Oibarko Cross Countryaren edizio berri bat dator. Ekitaldia 13:30etik aurrera hasiko da eta haur nahiz helduen kategoriak egongo dira. Azkenik, 19:00etan, parte hartzaileen arteko zozketa eta trofeoak banatuko dira.
Leña, garrote, eurre, zaborra, ziztorra… ¡Pásate el sábado 18 por aquí y entenderás de lo que te estoy hablando mekabendio!
Bihar, martxoak 19, hasiko da Korrika, euskararen sustapena eta euskaltegien finantziazioa helburu dituen eta bi urtez behin egiten den lasterketa arrakastatsua. 15:30ean irtengo da Atharratzetik (Zuberoa, Ipar Euskal Herria) eta Bilbon (Bizkaia, Hego Euskal Herria) amaituko da, 11 egunez jarraian Euskal Herri osoa zeharkatu ondotik.
Korrika bigarren egunean iritsiko da Oibarrera, hau da, martxoaren 20an, ostiralarekin, 21:34an. Hala ere, Zangoza eta Oibar arteko errepidean Oibarko hainbat kolektibok eramango dute lekukoa euren kilometroetan (behean erantsitako 2. kartela).
Egun horretarako dagoeneko dena prest dago eta Oibarko Korrika Batzordeak hainbat ekitaldi antolatu ditu arratsalderako, jarraian agertzen den 1. kartelean zehazten direnak.
Azkenik, jakinarazi nahi da azken orduetan sartu garela Frontoi Tabernan 6 €-an petoak erosi ahal izateko (behean erantsitako 3. kartela).
Datorren larunbatean, martxoak 7, 18:00etan, IX. Azoka Solidarioaren amaiera ekitaldia egingo da, aurten ZAPOREAKekin elkarlanean.
Ekitaldian zehar aurtengo edizioa nola joan den aurkeztu eta zehaztuko da, ondoren, Zaporeak elkartearen komunikatu bat irakurriko da, bildutako diruarekin txekea sinbolikoki entregatuko delarik. Amaieran, musika emanaldia izango da Jesus Aiesa, Koldo Pastor eta Gorka Oizaren eskutik, askari autogestionatu batekin batera.
Herritar guztiak gonbidatzen ditugu ekitaldi honetan parte hartzera eta irabazi-asmorik gabeko erakunde honi babesa adieraztera.
Plaza Consistorial
Sancha de Aibar, 1
31460 Aibar, Navarra
Tel: 948 877 005
info@aibar-oibar.org