Udalbatza berriaren agurra

Ongi etorri Oibarko Udalaren webgunera. Korporazio berriak aukera hau aprobetxatzen du zuei agurtzeko eta komunikabide honetatik jarrai gaitzazuen animatzeko. Webgunea duela gutxi berritu zenez, guk ez dugu aldaketa handirik egingo. Hala ere, etengabe eguneratzen jarraituko dugu, ahalik eta informazio gardenena jaso dezazuen.

Hemendik, udal informazio guztia eskuratu ahal izango duzue, kudeaketak egin ahal izango dituzue, gaurkotasunaren zein datozen jardueren berri izan, argazkiak ikusi, etab. Web orri hau Udalaren eta Oibarko herritarren arteko interakzio-kanal gisa ulertzea nahi dugu, komunikazio parte-hartzailean sinesten dugulako.

Bestalde, espazio hau erabili nahi dugu udalbatza gisa ibilbide berri honi hasiera eman diogun emozioa adierazteko. Jakin badakigu eginkizuna sekulakoa dela, baina gure herritik eta herriarengatik lan egiteko ilusioarekin egiten diogu aurre.