Abuztuaren 15ean Oibarko Jaiak hasiko dira eta, ohikoa den bezala, jaioberriei zapia jarriko zaie. Egun berezi horretan haien seme-alabek Oibarko zapia jasotzea nahi duten guraso guztiek WhatsApp bat bidali dezakete 679 496 652 zenbakira edo korreo bat turismo@aibar.es helbidera. Zapia txupinazoaren aurreko ekitaldietan jarriko da, 11:00ak aldera. Herriarekin loturaren bat duten pertsona guztiek eska dezakete, […]
Ekainean ospatuko diren “San Pedro” jaietako egitaraua eskuragarri dago jada. Aurtengo nobedadea La Ruina taldearen eskutik larunbat arratsalderako antolatutako “Crónicas de Aibar: El Testamento perdido de Doña Blanca” jarduera da. 16 urtetik gorakoentzat pentsatuta dago eta turismo@aibar.es helbidean eman behar da izena. Paperezko programak ostiral goizetik larunbatera bitartean banatuko dira.
Abuztuko jaiak gero eta gertuago daude eta beharrezkoa da egitaraua prestatzea. Horretarako, ezinbestekoa da jaiak iragartzeko Kartel lehiaketa. Aurreko urtean bezala, bi kategoria bereizten dira: 18 urtetik gorakoak eta beherakoak. Tamainari dagokionez, baldintzak desberdinak dira; ez, ordea, teknikari dagokionez. Lanak aurkezteko epea ekainaren 17an hasi eta uztailaren 12an amaituko da. Jarraian oinarriak kontsulta daitezke.
«Aibar / Oibar iruditan» VII. Argazki Lehiaketaren oinarriak aurkeztu dira. Aurreko urteetan bezala, aukeratutako argazkiek, bi irabazleez gain, 2025eko udal-egutegia osatuko dute. Argazkiak aurkezteko epea 2024ko irailaren 23tik urriaren 25era izango da. Jarraian oinarriak kontsulta daitezke.
Urtero bezala, «Crispín Margolaria» Aire Zabaleko Pintura Lehiaketa udan egingo da, zehazki, uztailaren 20an. Aurten 21. edizioa izango da, lehiaketaren egonkortasuna agerian uzten duena. Jarraian, haren oinarriak kontsulta daitezke.
Igerilekuak ekainaren 15etik irailaren 8ra arte egongo dira zabalik Oibarko igerilekuek datorren ekainaren 15ean irekiko dituzte ateak eta denboraldia irailaren 8an amaituko da. Interesa duten pertsonek abonua atera dezakete jada udal-bulegoan edo 948 877 005 telefonora deituz, izan hamabost egunekoa, hilabete batekoa edo denboraldi osokoa. Betiere jendaurreko ordutegian egin beharko da (10:00etatik 14:00etara). Hurrengo estekan […]
Aldez aurretik izena emateko epea igarota, Oibarko Udalak Haur-Eskolan onartutakoen behin-behineko zerrenda aurkeztu du eta esteka honen bidez kontsulta daiteke: https://sedeelectronica.aibar.es/tablondeanuncios/ Erreklamazioak, zuzenketak eta uko egiteak maiatzaren 30etik ekainaren 3ra bitarte egingo dira, 14:00ak arte, udal-bulegoetan. Onartuen behin betiko zerrenda ekainaren 5ean argitaratuko da, eta ondoren matrikula egiteko epea hasiko da, ekainaren 6tik 12ra.
Jarraian, Eguneko Zentroan Oibarko Udalaren zerbitzura dauden gerokultoreen aldi baterako kontratazio-zerrenda sortzeko deialdiaren emaitzak argitaratu dira. Emaitza horien aurrean, erreklamazioa jarri ahal izango da 3 egun balioduneko epean, emaitza horiek Oibarko Udaleko Iragarki-taula fisiko zein birtualetan argitaratu eta hurrengo egunetik zenbatzen hasita.
HAUR-ESKOLA BERRIA OIBARREN! Haur-eskolak 2024-2025 ikasturtean irekiko ditu ateak. Haurren garapen integrala oinarri, ingurune hurbila eta segurua eskainiko du. Informazio orokorra: 2022ko urtarrilaren 1etik 2023ko irailaren 2ra bitarte jaiotako haurrentzat. Lanaldi osoko 14 plazen eskaintza. Hizkuntza-eredua: euskara. Sartzeko eta irteteko ordutegia malgua izango da eta zentroa 8:00etatik 16:00etara irekita egongo da. Inola ere ezingo dira […]
Jarraian, deialdietan onartutakoen eta baztertutakoen behin betiko zerrendak azaltzen dira. Alde batetik, oposizio bidez, gerokultoreen aldi baterako kontratazio-zerrenda bat eratzeko, eta, bestetik, aldi baterako kontratazio-zerrenda bat, lehiaketa-oposizio bidez, ofizial administrarien lanpostuak betetzeko izangaien zerrenda bat osatzeko.
Plaza Consistorial
Sancha de Aibar, 1
31460 Aibar, Navarra
Tel: 948 877 005
info@aibar-oibar.org