Jarraian, Udalak 2025eko San Roke jaietarako prestatu duen programa eransten da. Bertan, Oibarko elkarte ugarik parte hartzen dute, baita bizilagunek eta gainerako kultur taldeek ere. Udaletik eskertu nahi dugu horiek guztiak inplikatu izana eta Udaleko langileek egiten duten lana.
Era berean, oibartar guztiei jai zoriontsuak opa dizkiegu.
Oibarko Txoznak egun osoko egitarau berezia antolatu du abuztuaren 16rako: fritobermuta, dantzak, herri bazkaria, musika alternatiboa… Bazkaria 15:00etan izango da, 18€-an. Apuntatzeko, 622 84 80 26 telefonora idatzi behar da eta epea abuztuaren 5ean bukatzen da.
Bestalde, astelehenean adinekoen txanda izango da. Hori dela eta, “El Toril” Jubilatuen Klubak ohiko bazkaria antolatu du Álvaro Aldunate Sada Entzutegian. 14:30ean izango da, 20€-an bazkideentzat eta 40€-an bazkide ez direnentzat. Jubilatuen Klubean izena emateko eta ordaintzeko epea abuztuaren 5ean bukatzen da.
Kuadrillen egunerako, Kuadrillen Batzordeak bazkari autogestionatua antolatu du Frontoian, 15:00etan. Ondoren, arratsaldean, Gazte Txarangak girotutako erronda kopera egingo da. Azkenik. 22:30ean, eguneko programazioari Udaletxe Plazan egingo den herri afariarekin emango zaio itxiera.
Iaz bezala, C.D. Aibarés futbol taldeak jaietako azken eguna probestuko du gure herriko futbolzale guztiak elkartzeko. Bazkaria 15:00etan izango da eta prezioa 35 €-koa. Beharrezkoa da abuztuaren 10a baino lehen izena ematea.
Web-orrian egindako herri-bozketaren ondoren, Udalbatzako Kultura Batzordeak erabaki du zein diren aurtengo kartel irabazleak, bakoitzari dagokion kategorian.
Udaletik eskerrak eman nahi dizkiegu lehiaketan parte hartu duten guztiei eta, aldi berean, irabazleei gonbitea luzatzen diegu abuztuaren 15ean Udaletxeko 2. solairura gerturatzeko dagokion saria jaso dezaten.
Aurten, iaz bezala, herri kirolek leku bat izango dute jaietako bigarren eguneko programazioan. Kuadrillen Batzordearekin batera antolatuta, 17:30ean izango dira Udaletxe Plazan. Izena emateko, 618 51 05 46 zenbakira idatzi behar da, izena eta banaka edo taldeka egiten den adieraziz.
Izena emateko epea abuztuaren 8an amaituko da, ostiralean, eta, behin epea amaituta, behin betiko talde mistoak sortuko dira. Taldekako hainbat proba izango dira eta 1. eta 2. sailkatuentzat sariak egongo dira.
Uztailaren 17tik abuztuaren 7ra bitartean, azken urtean jaiotako pertsonak inskribatu ahal izango dira abuztuaren 15eko txupinazoaren aurreko uneetan zapia ezartzeko.
Izen-ematea bi modutan egin ahalko da eta haurraren izena zein bi abizenak eman beharko dira:
Epe horretatik kanpo ez da inskripziorik onartuko.
Era berean, uztailaren 17tik abuztuaren 7ra arte, kuadrillek izena eman dezakete abuztuaren 17an (igandea) egingo den Kalderete Lehiaketan.
Iaz bezala, baxera berrerabilgarria izango dugu; beraz, udal-bulegoetan (bakarrik) izena ematerakoan ezinbestekoa da 1,5€ ordaintzea mahaikide bakoitzeko.
Aurten baxera hau izango dugu:
Dagoeneko publikoa da hilaren 27tik 29ra ospatuko diren San Pedro jaien programazio osoa.
Aurten ere, berrikuntza larunbat arratsaldean emango da. Julen Axpe, DAZNeko euskara ataleko futbol esataria eta, aldi berean, umorista eta bakarrizketaria, bere furgonetarekin azalduko da gurean. Bestalde, musika arratsaldeko zein gaueko saioetan egongo da, baita txikienentzako aisialdirako gunea ere. Bestalde, Jubilatuen Klubak, iaz bezala, kafea eta pastak eskainiko ditu igande arratsaldean zehar.
Bestetik, jada tradizioa den ekitaldi gastronomiko-kulturalak bere hamaikagarren edizioa hartuko du. Urtero bezala, parte-hartzea edota ekarpena eskatzen da tortilla edo beste jakiren bidez. Egun berean jasoko da, 11:00etatik aurrera, Udaletxearen behealdean. Izena eman udal bulegoetan, aurrez aurre edo telefonoz (948 87 70 05), edo 675 37 91 59 telefonoan.
Paperezko programak herriko etxeetara datozen egunetan iritsiko dira.
Parte-hartze komunitarioari buruz herriko bizilagunek, udalbatzak eta talde teknikoak egindako partaidetza-prozesuaren baitan, ikerketa prozesu bat egin da Nafarroako hainbat zentro, talde, federazio eta elkartetan, Oibarko errealitatean erreferente izan litezkeen esperientzia eta proiektu komunitarioak ikusteko.
Prozesu hori benetan aberasgarria izan da, ez bakarrik gertuko hainbat lekutan egiten diren prozesu komunitarioak ezagutzeagatik, baizik eta esperientziak partekatu eta beren lana arlo komunitarioan eta inguruan dituzten pertsonak aberasten dituzten elkarren arteko babesa eta ikuspegi berriak aurkitzeagatik.
Hori dela eta, beharrezkotzat jotzen dugu ikerketa-esperientzia horretara pixka bat hurbiltzea, horien zati bat lehen pertsonan ezagutarazteko eta, horrela, guztion artean proiektu eta esperientzia komunitarioak sortzen parte hartzera gonbidatzeko.
Hitzordua ekainaren 20an izango da, 18:00etatik aurrera, Udaletxean. Hona hemen kartela.
Jarraian, «Jaietako Kartel Lehiaketa» delakoaren oinarriak argitaratzen dira, non abuztuko jaietako programaren irabazleak aterako diren. Kartelak aurkezteko epea ekainaren 12an hasi eta uztailaren 10ean amaituko da.
Aurten, berrikuntza gisa, herri-bozketa egingo da Udalaren webgunearen bitartez. Bozketa horren bidez, dagokion kategoriako bi kartel finalistak aterako dira, eta gero epaimahaiak irabazleak aukeratuko ditu.
Joan den maiatzaren 30ean jakinarazi zen Oibarko Udala, Nafarroako Unibertsitate Publikoarekin (NUP) elkarlanean, azterlan bat egiten ari zela gure udalerriko etxebizitza eta lokal hutsen egoera hobeto ezagutzeko asmoz. Funtsezko proiektua da herria biziberritzen, gure baliabideak hobeto aprobetxatzen eta despopulazioaren aurka borrokatzen lagunduko duten estrategiak planifikatze aldera.
Jerónimo Peláez Álvarez ADEko eta NUPeko Zuzenbideko ikaslea da proiektuaren arduraduna. Hasieratik, laguntza eta kolaborazioa eskatu izan du bere lana errazteko eta, horrela, honako alderdi hauetan aurrera egiteko:
Gauzak horrela, ostiral honetan, ekainaren 13an, mundu guztia gonbidatuta dagoen proiektuaren aurkezpena eta azalpena egingo da, udaletxean, arratsaldeko 18:00etan.
Formulario bat ere badago betetzeko (4-5 minutu, gehienez), proiektua bera informazio lagungarriaz hornitzeko.
Udal igerilekuak datorren ekainaren 14an irekiko dira, eta irailaren 7ra arte egongo dira erabilgarri.
Nahi duten guztiek Udaletxeko bulegoetan egin ditzakete abonuak, aurrez aurre edo telefonoz, gaurtik aurrera, ostirala, 10:00etatik 14:30era.
Igerilekuetara sartzeko ezinbestekoa da abonua ordainduta izatea; bestela, dagokion sarrera kobratuko da. Ezin izango da sartu abonurik edo sarrerarik gabe.
Jarraian, bandoa eta prezio publikoak azaltzen dira.
Plaza Consistorial
Sancha de Aibar, 1
31460 Aibar, Navarra
Tel: 948 877 005
info@aibar-oibar.org