Archive for year: 2025

Azaroa heldu da, eta harekin batera, herriarentzako ekitaldiz beteriko garaia. Horietako batzuk, Oibarko Iratxoak ekimenaren baitan antolatuta daude.

Hala, jarraian, hilabete honetako programazio osoa aurkezten da. Programazio anitza da, gure herriko espazio desberdinetan aurrera eramango dena, besteak beste, Álvaro Aldunate Sada Entzutegian eta Udaletxeko aretoetan.

Azaroak 1, larunbata:

• Castañafest, Oibarko Iratxoak ekimenak antolatuta | 16:30etik aurrera (Udaletxe Plaza)

Azaroak 2, igandea:

• Skovoroda nazioarteko abesbatzaren kontzertua | 19:00etan (Álvaro Aldunate Sada Entzutegia)

Azaroak 9, igandea:

• “Non Dago Mikel? “dokumentalaren proiekzioa gertaeren 40. urteurrenaren harira | 18:00etan (Udaletxeko 2. solairua)

Azaroak 15, larunbata:

• Landa-eremuko emakumeen Zinema Zikloa: “Los destellos” filma | 19:00etan (Álvaro Aldunate Sada Entzutegia)

Azaroak 15, larunbata, eta 16, igandea:

• 15 eta 30 urte bitartekoei zuzendutako autodefentsa feminista tailerra, Oibarko Iratxoak ekimenak antolatuta | 10:30etik 14:30era (lekua zehazteke)

Azaroak 22, larunbata:

• Oihane Anduezaren “Entre Real y Dades” liburuaren aurkezpena eta ondorengo kontzertua | 17:30ean (Udaletxeko 3. solairua)

Azaroak 28, ostirala, eta 29, larunbata:

• Oibarko Doña Sancha Antzerki Taldea: La valentía | 20:00etan (Álvaro Aldunate Sada Entzutegia)

Azaroak 29, larunbata:

• Haurren eskubideen aldeko festa, Oibarko Iratxoak ekimenak antolatuta | Ordua zehazteke (Udaletxe Plaza)

Azaroak 30, igandea:

• IX. Azoka Solidarioaren aurkezpena | 12:00etan (Udaletxeko 3. solairua)

Era berean, jakinarazten da azaroaren 1ean, larunbatean, 19:00etan, Udaletxean bilera ireki bat egingo dela, C.D. Aibarés taldearen mendeurrena ospatzeko ideien proposamenean parte hartu nahi duen ororentzat.

Azkenik, jakinarazten da abendu-urtarrileko programazio kulturala formatu fisikoan aurrerago aurkeztuko dela eta herriko etxeetan banatuko dela.

Jarraian, Oibarren haurren eta nerabeen parte-hartzea sustatzeko proposamen berria aurkezten da.

«Azken urte erdi honetan haurrekin eta gaztetxoekin lan egin ondoren, garrantzitsua ikusten dugu merezi duten protagonismoa eta lekua ematea eta, aldi berean, ahotsa eta herrian parte hartzeko aukerak ematea.

Hori dela eta, urrian Haur eta Nerabe Parte-Hartze Taldeari hasiera emango zaio, non bai txikiak bai nerabeak elkartu ahal izango diren, herrian zer eta nola nahi duten erabakitzen hasteko. Horrez gain, herriko kide sentitzea, genero eta adinen arteko kohesioa, inklusioa eta talde lana sustatzeko jarduerak egingo dira, baita aisialdiko eta denbora libreko jarduera osasungarriak ere.

Dinamika hau herriarekin eta bertako jendartearekin konprometituta dagoen gazteria aktiboa eta parte-hartzailea sustatzeko abiapuntua izatea nahi dugu.

Bestalde, uste dugu komunitatearen inplikazioa ezinbestekoa dela haurrak eta nerabeak babesteko eta prebenitzeko. Horregatik, interesa duten pertsonei teknikariekin harremanetan jartzeko gonbidapena egiten diegu.

Parte-hartze taldeak bi asteburu jarraian eta atseden asteburu bat izango ditu horiek guztiak asteburuetan eta doahinik izango direlarik. Hala, hasiera urriaren 10eko asteburuan izango da.

* Taldeak zehazteke daude izen-emateen arabera; adinak alda daitezke. Gazte+-en kasuan, inskripzioen arabera baloratuko da eguna.

IRATXOAK (2019-2016) ETA GAZTE TXIKI (2015-2012). Larunbat arratsaldeetan:

• URRIA: 11 eta 18
• AZAROA: 1, 8, 22 eta 29
• ABENDUA: 13 eta 20 (Gabonetako oporretan jarduerak egiteko egun gehiago elkartzeko aukera)

GAZTE+ (2011-2008). Ostiral arratsaldeetan edo larunbatetan (izen-emateen arabera):

• URRIA: 10, 17 eta 31
• AZAROA: 7, 21 eta 28
• ABENDUA: 12 eta 19 (Gabonetako oporretan jarduerak egiteko egun gehiago elkartzeko aukera)»

Udalak aditzera eman nahi du, 2025/09/16an Gaztetxea azken aldiz berrikusi ondoren, zikinkeria, utzikeria eta osasungarritasun-arazoak antzeman direla eta, beraz, espazioa aldi baterako itxiko dela.

Eraikin publiko horren egoerari soilik erantzuten dion erabakia aho batez eta aldi baterako hartu da. Hala, itxiera espazioa erabiltzeko baldintza egokietan, duinetan eta seguruetan egon arte mantenduko da. Udalak argi utzi nahi du mugimendu asanblearioari ematen dion babesa irmoa, beharrezkoa eta guztiz indarrean dagoela. Gure gazteen autogestio- eta partaidetza-eredu honek udalbatza honen babes osoa du, gizarte plural, jasangarri eta aldarrikatzailerako funtsezko balioak aitortzen baititu.

Era berean, Udalak inplikatutako pertsona eta kolektibo guztiekin hitz egiteko eta adostasuna lortzeko prest dagoela berresten du, Gaztetxea berriro elkartzeko, parte hartzeko, biltzeko eta erreibindikatzeko gune bizia izan dadin helburu komunarekin.

Jarraian, Udalak 2025eko San Roke jaietarako prestatu duen programa eransten da. Bertan, Oibarko elkarte ugarik parte hartzen dute, baita bizilagunek eta gainerako kultur taldeek ere. Udaletik eskertu nahi dugu horiek guztiak inplikatu izana eta Udaleko langileek egiten duten lana.

Era berean, oibartar guztiei jai zoriontsuak opa dizkiegu.

Web-orrian egindako herri-bozketaren ondoren, Udalbatzako Kultura Batzordeak erabaki du zein diren aurtengo kartel irabazleak, bakoitzari dagokion kategorian.

• 18 urtetik gorakoen kategorian, kartel irabazlea Irati Barber Sádaba egilearen “¡Qué duendes son estos kios!” da.
• 18 urtetik beherakoen kategorian, 1. saria Hugo Lopez Gallués egilearen “El tapón a la txaranga” kartelarentzat da, eta 2. saria Eder Azparren Oneca egilearen “Día soleado” kartelarentzat.

Udaletik eskerrak eman nahi dizkiegu lehiaketan parte hartu duten guztiei eta, aldi berean, irabazleei gonbitea luzatzen diegu abuztuaren 15ean Udaletxeko 2. solairura gerturatzeko dagokion saria jaso dezaten.