Bere webgunean (https://www.parqueartamendia.com/) adierazten den gisan, dena prest dago apirilaren 18tik 27ra arte bisitak jasotzen hasteko. Gainera, erreserbak asteburu eta jaiegun guztietan egin ahal izango dira udako denboraldia hasi arte, uztailean.
Erreserbatzeko, deitu telefonoz (648 294 862), bete formulario hau edo bidali korreo bat info@parqueartamendia.com helbide elektronikora.
“El Toril” Jubilatuen Klubak egun bateko txangoa antolatu du maiatzaren 23rako, eta Bardeak, El Ferial urmaela eta Tutera bisitatuko dituzte.
Izena emateko eta ordaintzeko azken eguna apirilaren 30a da, eta bertan NANa ere idatzi beharko da.
Zatoz eta gozatu Oibarko Aste Santuko ludotekaz! Ikasi, partekatu eta jolastu adinekoekin batera egingo den belaunaldiarteko topaketan. 5 eta 12 urte bitarteko haurrentzat bideratuta, apirilaren 22, 23, 24 eta 25ean 11:00etatik 12:30era egingo da Eguneko Zentroan (gaur egun, obrengatik, El Toril Jubilatuen Klubean).
Jarduerak hainbat ekintza izango ditu: belaunaldiarteko errezeta-liburua, herriko etxeen historiari buruzko ezagutza, helduenekin jolas klasikoak… Espazioa dela eta, plazak mugatuak izango dira, beraz, azkar ibili (613 44 23 25).
MotoClub4-40k antolatuta, datorren larunbatean Oibarko Cross Country-aren 32. edizioa iritsiko da gurera, Nafarroako eta Aragoiko txapelketarako puntuagarria izango dena.
Probak ordutegi hauek izango ditu:
19:30ean trofeoak banatu eta zozketa egingo da parte hartzaileen artean.
Oibarko Udalak eta Gabriel Valentín Casamayor HLHIPk prest dute, beste behin ere, Zuhaitz Eguna ospatzeko programa. Etzi izango da, martxoaren 27an, osteguna, eta jarduerak 12:15etik aurrera izango dira. Ordu horretan, saio didaktiko bat egingo da ikastetxeko ikasleentzat, Mikel Baztan baso teknikariaren eskutik. Geroago, 13:00etan, irteera bat egingo da ikastetxetik bertatik zuhaitzak landatzera joateko San Pedro elizaren inguruan.
Gogoratzen da ekitaldia publikoa dela eta herri osoa gonbidatuta dagoela.
Joan den otsailaren 1ean, Azoka Solidarioaren aurreko edizioaren amaiera ekitaldia egin zen. Bertan, besteak beste, Zaporeak elkarteari eman zitzaion lekukoa, Europara iristen diren errefuxiatuei janari duina eskaintzen dien irabazi asmorik gabeko elkarteari.
Bada, martxoaren 22an, larunbata, azokaren bederatzigarren edizioa aurkeztuko da, Udaletxean programatu diren hainbat ekitaldirekin. Egitaraua arratsaldeko 18:00etan hasiko da Areto nagusian (2. solairuan) eta dokumental bat, musika emanaldia eta ondorengo luntx solidarioa izango ditu.
Anima zaitez, zure babesa funtsezkoa da!
Lorte Erreka garbitzeko asmoz, herritar guztiak jardunaldi berri batean parte hartzera gonbidatzen dira. “LIBERA, unidos contra la basuraleza” proiektuaren baitan, hitzordua martxoaren 23an izango da, 10:00etan, bidegurutzetik abiatuta.
Proiektu hau 2017an sortu zen, abandonatutako zaborrak naturaguneetan duen eragina geldiarazteko helburuarekin, alegia, “basuraleza” izenez ezagutzen den fenomenoa. SEO/BirdLife Espainiako ingurumen-erakunde dekanoak bultzatu zuen, Ecoembes-ekin lankidetzan; hau da, ontziak birziklatuz ekonomia zirkularra sustatzen duen irabazi-asmorik gabeko ingurumen-erakundearekin.
Oibarko Udalak hainbat urte daramatza ekimen honekin elkarlanean, eta herritarrei dei egiten die boluntariotza-jardunaldi honetan parte hartzera, Lorte Erreka garbitzen eta babesten laguntzeko. Ez ahaztu arropa eta oinetako egokiak ekartzea.
Zure laguntza funtsezkoa da gure ingurua garbi manten dadin!
Apirilaren 5ean Oibarko Bandaren ohiko udaberriko kontzertuak Álvaro Aldunate Sada Entzutegia girotuko du 19:00etan izango den kontzertuarekin. Oraingoan, aldiz, oso kolaborazio berezi batekin dator; alegia, Rubén Simeó tronpetistarekin, 1992an Vigon jaiotako musikari birtuosoa.
Aldizka orkestra handiekin jotzen duen musikari hau Oibarrera etorriko da apirileko lehen asteburuan, «My Way», «Can’t Help Falling in Love» edo «Ballade for Adeline» bezalako klasikoekin kontzertu berezi bat eskaintzera. Sarrerek 10€ balio dute eta Frontoi Tabernan erosi edo banda.aibaroibar@gmail.com helbidean erreserba daitezke.
Lasterketa honen bigarren edizioa datorren martxoaren 30ean iritsiko da gurera. Zangozako 4 Caminos eta Oibarko 4 Mugas/4 Muga klubek antolatutako proba hau igerilekuetako aldirietatik aterako da eta bi kategoria izango ditu:
Proba honetan BTT Caja Rural 2025 Koparen baitan lehiatuko dira eta puntuagarria izango da.
Inauteriak bueltan dira, datorren martxoaren 8an ez gelditu etxetik mozorroa atera gabe. Kuadrillen Batzordeak antolatutako egitarauak hainbat jarduera izango ditu, 18:00etatik aurrera Entzutegian egingo direnak: haurrentzako jolasak, txokolate jana, txaranga, herri afaria eta dantzaldia Pablo Iriarte Dj-ekin.
Gainera, gaurtik aurrera, herri afarirako txartelak salgai egongo dira (25€ helduen menuak eta 12€ haurrenak). Erosi ahal izateko gainerako egunak otsailaren 23a, martxoaren 1a eta 3a izango dira, 19:00etatik 21:00etara, Frontoi Tabernan.
Plaza Consistorial
Sancha de Aibar, 1
31460 Aibar, Navarra
Tel: 948 877 005
info@aibar-oibar.org