Lasterketa honen bigarren edizioa datorren martxoaren 30ean iritsiko da gurera. Zangozako 4 Caminos eta Oibarko 4 Mugas/4 Muga klubek antolatutako proba hau igerilekuetako aldirietatik aterako da eta bi kategoria izango ditu:
Proba honetan BTT Caja Rural 2025 Koparen baitan lehiatuko dira eta puntuagarria izango da.
Inauteriak bueltan dira, datorren martxoaren 8an ez gelditu etxetik mozorroa atera gabe. Kuadrillen Batzordeak antolatutako egitarauak hainbat jarduera izango ditu, 18:00etatik aurrera Entzutegian egingo direnak: haurrentzako jolasak, txokolate jana, txaranga, herri afaria eta dantzaldia Pablo Iriarte Dj-ekin.
Gainera, gaurtik aurrera, herri afarirako txartelak salgai egongo dira (25€ helduen menuak eta 12€ haurrenak). Erosi ahal izateko gainerako egunak otsailaren 23a, martxoaren 1a eta 3a izango dira, 19:00etatik 21:00etara, Frontoi Tabernan.
Datorren igandean, hilaren 23an, Oibarko herriak duela 8 urte hasi zen mendi lasterketa hartuko du. 300 korrikalarik eman dute izena, eta Nafarroako egutegian gehien espero den probetako bat izaten jarraitzen du.
Parte hartzaileek gure ingurune naturalaz ahalik eta gehien gozatzeko diseinatutako bi ibilbide ikusgarriri egin ahalko diete aurre:
Aurten, ibilbidea zertxobait aldatu da, are erakargarriagoa eta desafiatzaileagoa egiten duten doikuntza txikiak gehituz. Gainera, edizio honetan, distantzia laburra Ekialde 2025 Cross-Trail Txapelketaren parte izango da, Ledeako Liskarreko Krosaren ondoren bigarren proba puntuagarri gisa agertuz.
Antolatzaileek eskerrak eman nahi dizkiete babesleei edizio hau posible egiteagatik: Kaiku, Argal, Caja Rural, Alea, Postres Goshua, Cofradía del Queso de Roncal, Artieda Harategia, Irigoienea Landetxea, A4xk eta Diario de Noticias.
Igandean, 10:00etatik aurrera, elkar ikusiko dugu abentura handi hau elkarrekin bizitzeko!
Jakina denez, Oibar LANDARTE 2024 programarako hautatua izan zen. Landarte Nafarroako Gobernuko Kultura Sailaren menpe dagoen programa da, eta herri txikienetan arte garaikidearen inguruko parte-hartze prozesuak garatzen saiatzen da (informazio gehiago nahi izanez gero, kontsultatu webgunean dagoen proiektuari buruzko atala).
Hala, iazko ekainean, Peru Galbete artista, berak proposatutako lehenengo etapa batean, Oibarko hainbat kolektibo zein pertsonarekin elkartu zen, sortze-prozesu horren baitan gure herriaren errealitatea ezagutzeko.
Bigarren etapa “Oibarko Eguneroko Kolektibo” baten garapena proposatzea izan zen. Eguneroko hori, bertako biztanleen banakako ekarpenei esker, otsailaren 7an Álvaro Aldunate Sada Entzutegian 19:00etan egingo den aurkezpenean amaituko da.
Datorren larunbatean, otsailaren 1ean, 18:00etan, Oibarko VIII. Azoka Solidarioaren amaiera ekitaldia egingo da Udaletxean. Dunia Musso elkarteari (Afrikako Emakumeak) emango zaio txekea, aurtengo diru-bilketa emateko aukeratutako elkarteari.
Era berean, Zaporeak elkarteari pasatuko zaio lekukoa. Europara iristen diren errefuxiatuei janari duina eskaintzen dien elkarte honek, gaur egun, Greziako errefuxiatu-esparruetan harrapatuta dauden pertsonen bizi-baldintzak hobetzeko elikagaiak prestatzen ditu.
Bestalde, antolakuntzatik kolaboratzeko deia luzatu dute, baita ekitaldia amaitzean aperitiboa egongo dela gogorarazi ere.
Jarraian, Oibarko eta Leatxeko Udaletako Idazkaritza plaza lehiaketa-oposizio bidez denboraldi baterako betetzeko deialdian behin betiko onartutako eta baztertutako izangaien zerrenda onesten duen dokumentua eransten da.
Era berean, 2025eko urtarrilaren 10ean 09:30ean INAPen egingo den azterketa-data finkatu eta haren argitaratzea adosten da.
Plaza Consistorial
Sancha de Aibar, 1
31460 Aibar, Navarra
Tel: 948 877 005
info@aibar-oibar.org