ekaina 2025 - Ayuntamiento de Aibar-Oibarko Udala

2025EKO EKAINEKO JAIEN EGITARAUA

17 ekaina 2025/in Gaurkotasuna

Dagoeneko publikoa da hilaren 27tik 29ra ospatuko diren San Pedro jaien programazio osoa.

Aurten ere, berrikuntza larunbat arratsaldean emango da. Julen Axpe, DAZNeko euskara ataleko futbol esataria eta, aldi berean, umorista eta bakarrizketaria, bere furgonetarekin azalduko da gurean. Bestalde, musika arratsaldeko zein gaueko saioetan egongo da, baita txikienentzako aisialdirako gunea ere. Bestalde, Jubilatuen Klubak, iaz bezala, kafea eta pastak eskainiko ditu igande arratsaldean zehar.

Bestetik, jada tradizioa den ekitaldi gastronomiko-kulturalak bere hamaikagarren edizioa hartuko du. Urtero bezala, parte-hartzea edota ekarpena eskatzen da tortilla edo beste jakiren bidez. Egun berean jasoko da, 11:00etatik aurrera, Udaletxearen behealdean. Izena eman udal bulegoetan, aurrez aurre edo telefonoz (948 87 70 05), edo 675 37 91 59 telefonoan.

Paperezko programak herriko etxeetara datozen egunetan iritsiko dira.

ESPERIENTZIA KOMUNITARIOEN JARDUNALDIAK

14 ekaina 2025/in Gaurkotasuna

Parte-hartze komunitarioari buruz herriko bizilagunek, udalbatzak eta talde teknikoak egindako partaidetza-prozesuaren baitan, ikerketa prozesu bat egin da Nafarroako hainbat zentro, talde, federazio eta elkartetan, Oibarko errealitatean erreferente izan litezkeen esperientzia eta proiektu komunitarioak ikusteko.

Prozesu hori benetan aberasgarria izan da, ez bakarrik gertuko hainbat lekutan egiten diren prozesu komunitarioak ezagutzeagatik, baizik eta esperientziak partekatu eta beren lana arlo komunitarioan eta inguruan dituzten pertsonak aberasten dituzten elkarren arteko babesa eta ikuspegi berriak aurkitzeagatik.

Hori dela eta, beharrezkotzat jotzen dugu ikerketa-esperientzia horretara pixka bat hurbiltzea, horien zati bat lehen pertsonan ezagutarazteko eta, horrela, guztion artean proiektu eta esperientzia komunitarioak sortzen parte hartzera gonbidatzeko.

Hitzordua ekainaren 20an izango da, 18:00etatik aurrera, Udaletxean. Hona hemen kartela.

2025EKO JAIETAKO KARTEL LEHIAKETAREN OINARRIAK

11 ekaina 2025/in Gaurkotasuna

Jarraian, «Jaietako Kartel Lehiaketa» delakoaren oinarriak argitaratzen dira, non abuztuko jaietako programaren irabazleak aterako diren. Kartelak aurkezteko epea ekainaren 12an hasi eta uztailaren 10ean amaituko da.

Aurten, berrikuntza gisa, herri-bozketa egingo da Udalaren webgunearen bitartez. Bozketa horren bidez, dagokion kategoriako bi kartel finalistak aterako dira, eta gero epaimahaiak irabazleak aukeratuko ditu.

2025-BASES_CONCURSO_CARTEL_FIESTAS_SAN_ROQUEDescarga

ABIAN DA OIBARKO ETXEBIZITZA ETA LOKAL HUTSEI BURUZKO AZTERLANA

9 ekaina 2025/in Gaurkotasuna

Joan den maiatzaren 30ean jakinarazi zen Oibarko Udala, Nafarroako Unibertsitate Publikoarekin (NUP) elkarlanean, azterlan bat egiten ari zela gure udalerriko etxebizitza eta lokal hutsen egoera hobeto ezagutzeko asmoz. Funtsezko proiektua da herria biziberritzen, gure baliabideak hobeto aprobetxatzen eta despopulazioaren aurka borrokatzen lagunduko duten estrategiak planifikatze aldera.

Jerónimo Peláez Álvarez ADEko eta NUPeko Zuzenbideko ikaslea da proiektuaren arduraduna. Hasieratik, laguntza eta kolaborazioa eskatu izan du bere lana errazteko eta, horrela, honako alderdi hauetan aurrera egiteko:

Zenbat etxebizitza eta lokal dauden hutsik edo gutxi erabilita.
Etxebizitzarako sarbidea hobetzea eta udalerrirako ekimen berriak diseinatzea.
Espazioak birgaitzeko eta berrerabiltzeko aukerak identifikatzea.

Proiektuaren aurkezpena

Gauzak horrela, ostiral honetan, ekainaren 13an, mundu guztia gonbidatuta dagoen proiektuaren aurkezpena eta azalpena egingo da, udaletxean, arratsaldeko 18:00etan.

Formulario bat ere badago betetzeko (4-5 minutu, gehienez), proiektua bera informazio lagungarriaz hornitzeko.

2025EKO IGERILEKUEN DENBORALDIAREN HASIERA

6 ekaina 2025/in Gaurkotasuna

Udal igerilekuak datorren ekainaren 14an irekiko dira, eta irailaren 7ra arte egongo dira erabilgarri.

Nahi duten guztiek Udaletxeko bulegoetan egin ditzakete abonuak, aurrez aurre edo telefonoz, gaurtik aurrera, ostirala, 10:00etatik 14:30era.

Igerilekuetara sartzeko ezinbestekoa da abonua ordainduta izatea; bestela, dagokion sarrera kobratuko da. Ezin izango da sartu abonurik edo sarrerarik gabe.

Jarraian, bandoa eta prezio publikoak azaltzen dira.

2025 BANDO Inicio piscinasDescarga

Archive for month: ekaina, 2025

Proiektuaren aurkezpena