Archive for month: maiatza, 2025

Maiatzaren 5etik aurrematrikula garaia da Alfabetatze Euskalduntze Koordinakundean (AEK). Aurtengo leloari eutsiz, haiekin euskara eroso ikasi nahi duen orori ireki diote atea. Aipatu beharra dago aurrematrikula egiteak hainbat abantaila dakartzala berekin, esaterako, ikasturte honetako prezioari eustea. Hori gutxi balitz, aurten, estreinakoz, hasiera mailetako ikastaroak (A1) doakoak izango dira Nafarroa osoan.

Zangozaldeko AEK lanean ari da jada eta informazioa zabaltzen hasi da gure eskualdean zehar ere bai. Ekainaren 30a baino lehen, Oibarko taldea mantendu eta Zangozaldean euskaraz eroso bizitzeko, egin hautua!

Atzo Zangozan Tasubinsak duen tailer okupazionalaren hainbat erabiltzaile joan ziren Oibarko Udaletxera, eguneroko egoeretan tratu hobea aldarrikatu eta desgaitasun intelektualaren inguruan sentsibilizatzeko asmotan.

Alkateak harrera egin zien eta Oibarko Udaletxera joaten direnean nola tratatu nahiko lituzketen azaldu zioten. Tratua errazteko, 12 aholku ematen dituen kartel bat eman ziguten, jarraian eransten dena.

Aholku horiek eguneroko bizitzako egoera askotarako balio dute eta ez soilik Udaletxera joaten direnerako.

Datorren maiatzaren 31n IX. Azoka Solidarioaren parte den Zaporeak elkartearen aldeko elkartasun bazkaria egingo da. Topaketa Ipar Haizea elkartean izango da 14:30ean eta 30 €-ko menua (egun horretan kobratuko da) honako hau izango da:

• Entsaladak
• Pikoteoa
• Kalderetea
• Postrea eta edariak

Era berean, Kantuz bat antolatu da 12:00etan, elkartetik bertatik abiatuko dena.

Izena emateko epea maiatzaren 25ean amaitzen da eta bi telefono hauetako baten bidez egingo da: 636 852 143 (Marije) / 675 379 159 (Marivi).