Kuadrillen Batzordeak Udalarekin batera antolatu ditu 2024ko Inauteriak. Aurten otsailaren 17an ospatuko dira eta egunean bertan burutuko diren ekitaldiak Entzutegian izango dira: haurrentzako jolasak, Oibarko Txarangak alaitutako txokolate jana, herri afaria eta Dj Iraitz Gonzalez.
Betiko legez, afariko txartelak otsailaren 3, 4, 10 eta 11n El Perrillas tabernan erosi ahal izango dira 19:00etatik 21:00etara.
Aurten 23. Korrika martxoaren 14an Irunen hasi eta martxoaren 24an Baionan bukatuko da. Urtarrilaren 11n aurkeztu zuen AEK-k ibilbide osoa, 11 egunez eta 10 gauez 2.700 km zeharkatuko dituena. Oraingoan, berriz ere, Oibarretik igaroko da Korrika, hain zuzen, martxoaren 16an, larunbatean, goizeko 7:36an.
Hori dela eta, Zangozaldeko AEK-k bilera irekia antolatu du, non Korrikaren aurkezpena egiteaz gain, egun seinalatu horretan prestatu beharrekoez ere hitz egingo den. Kasedan, Zangozan eta Irunberrin jada bilerak egin ondoren, larunbat honetan gurean egitea tokatzen da, zeinari Artedan ostiralean egingo dena gehituko zaion.
Bilera 12:00etan Oibarko Udaletxean izango da.
Kale-katuak kudeatzeko asmoz, joan den irailean, Oibarko Udalak Comarcats elkartearekin hitzarmen bat sinatu zuen.
19/2019 Foru Legean eta 94/2022 Foru Dekretuan irakur daitekeen bezala, udalei dagokie kolonia felinoak sortzea, kontrolatzea eta mantentzea. Gainera, kokapen-baldintzei eta betekizun higieniko nahiz sanitarioei buruzko arau batzuk jasotzen dira. Lege horiek Nafarroako animalien babes eta ongizaterako esparru orokor bat ere ematen dute. Kolonia felinoa zer den definitzen dute, eta udalen, udalaz gaindiko erakundeen edo eskualdeen erantzukizuna ezartzen dute haien kontrolean eta baimenean.
Aipatutakoa aintzat hartuz eta kaleko katuen ongizatea bermatzeko, Oibarko Udalak hitzarmen hau sinatzeko erabakia hartu zuen.
Udala eta Elkartea lanean hasi ziren lehen unetik, 3 boluntariok beren laguntza eskaini zuten eta sortuko diren hiru kolonia felinoak kudeatzeaz arduratuko dira. Esperientzia pertsonal handia izateaz gain, pertsona horiek kolonia felino bat kudeatzeko moduari buruzko prestakuntza jaso dute, Udalak baimendu eta egiaztatu duena.
Boluntarioek kolonia felinoen zaintzaile-elikatzaile rola hartzen dute. Kolonian katuak zaintzeaz eta elikatzeaz arduratzen dira, animalien ongizatea eta ingurunearen osasungarritasuna bermatzeko ezarritako jarraibideei jarraituz.
Lehen esan bezala, 3 kolonia sortuko dira: igerilekuetako aparkalekuan, Amalurko parkean eta Monolitotik gertu dagoen biltegian. Kolonia bakoitzak etxola bat, pentsuarentzako tobera bat eta Udalak eskuratutako edontzi bat ditu.
Kokapen zehatza esteka honetan kontsulta daiteke: https://earth.google.com/web/data=MkEKPwo9CiExbEVxWFEtUmVnRVlDVUxiVDlxT243UlNhM3NhOVlUZ28SFgoUMDMwMkE1NjNBNzJCRDI1QUEzRDAgAQ
Kolonia Felinoaren sorrerak 2.500€-ko aurrekontu-partida du 2024 honetarako. Horrez gain, Udalak dirulaguntza bat eskatuko du, %70eraino irits daitekeena.
Kolonia felinoak eremu jakin batean elkarrekin existitzen diren katu komunitarioen taldeak dira. Normalean hiri-inguruneetan ematen dira kasu hauek.
Oro har, abandonatutako katuek edo esterilizatu gabeko basakatuek osatzen dituzte kolonia horiek, gerora ugaldu egiten direnak.
Koloniek albaitaritza-zerbitzu bat dute, esterilizazioaz, desparasitazioez, gaixotasunen kontrolaz, nahitaezko txertaketez eta animalia gaixo edo zaurituen tratamenduaz arduratzen dena. Identifikatutako animalia bakoitzak fitxa kliniko bat izango du, bere identifikazioa eta osasun-datuak barne.
Ondorengo estekan metodo honi buruzko informazio gehiago kontsulta daiteke: harrapaketa, esterilizazioa eta askatzea.
https://www.comarcats.org/m%C3%A9todo-ces/qu%C3%A9-es-el-m%C3%A9todo-ces
Lagundu nahi duten bizilagunek era askotara egin dezakete, baina garrantzitsuena KATUAK EZ ELIKATZEA da.
Kolonietako katuak osasun- eta higiene-pentsuaz baino ezin dira elikatu, eta boluntarioak arduratzen dira horretaz.
Esteka honetan COMARCATSen webgunea bisitatu ahal da, Oibarren sortu berri dena barne.
Zabalik dago jada Frontoi Taberna eta hari dagozkion kirol instalazioak ustiatzeko hautagaitza aurkezteko epea. Jarraian, betekizunak zehaztu eta baldintza-agiria erantsi dugu. Informazio gehiago nahi izanez gero, Oibarko Udalaren bulegoetara dei daiteke.
DATUAK
Hasiera data: 2024/01/16
Amaiera data: 2024/01/31
Kirol instalazioen kudeaketa: Oibarko frontoia, kiroldegia, igerilekuak (udako denboraldia izan ezik) eta taberna
Kontratu mota: zerbitzuak ematea
Prozedura: irekia
Esleipen-irizpidea: kalitate-prezio erlazio hobea
Lizitazioaren prezioa BEZik gabe: 1.500,00 Euro
Balio zenbatetsia, BEZik gabe, luzapen edo aukera guztiak barne: 7.500,00 Euro
Gauzatzeko gehienezko epea: 5 urte – Hasierako esleipena: urte 1ekoa, 5 urtera luza daitekeena.
Eskaintzak aurkezteko epea: 2024/01/16tik 2024/01/31ra, 14:00etan
Aurkezteko lekua: Nafarroako lizitazio elektronikoaren plataforma
Baldintzak eta dokumentazio osagarria: HEMEN
Harremanetarako pertsona:
Izen-abizenak: Susana Jiménez Maestre
Emaila: secretaria@aibar.es
Telefonoa: 948 877 00
Joan den azaroan, Administrazioa herritarrei hurbildu nahian, zerbitzu berri bat jarri zen martxan. Administrazioarekin edozein tramite egiteko orduan herritarraren desplazamendua ekidin ahal izateko sortzen da zerbitzu hau. Udalerrietan langile publiko kualifikatuen laguntza baliatuz, arrakala digitala gainditzea bilatzen da. Hala, langile horiek informazioa eman ahalko dute eta, nahi izanez gero, Internet bidezko kudeaketak egiten lagundu.
“Administrazioa zugandik hurbil” programak Administrazioak dagoeneko lurraldean ematen duen zerbitzuaren eraginkortasuna hobetzea du helburu, honako ekintza hauen bidez herritarrengana hurbilduz:
Horrelako ikastaroak herritarrentzat oso baliagarriak izan daitezkeela uste dugu. Horregatik, datorren asteazkenean, urtarrilaren 31n, 11:00etan, Oibarko Udalaren bulegoetan egingo den ikastaroan parte hartzera gonbidatzen zaituztegu.
Yamaguchiko prefekturako ordezkaritza Nafarroan izan da egunotan, anaitasun akta sinatu zenetik 20 urte bete direla eta. Atzo, Xabierko Gaztelura egindako bisitaren ondoren, Oibarrera bazkaltzera hurbildu ziren eta herria ezagutzeko aukera izan zuten. Kiko Martinez alkatea haiekin egon zen eta, bisita eskertzekotan, zapiak banatu eta gure herriari buruzko liburu bat oparitu zizkien.
Bazkaria Zabaletan izan zen, non hainbat gairen inguruan hitz egiteko aukera izan baitzuten; besteak beste, Oibarko historia, euskara eta auzolana bezalako gizarte ekimen tradizionala izan zituzten hizpide. Gauzak horrela, bisitariek euren egonaldiaren oroitzapen polita eta atsegina eraman zuten. Aipatu beharra dago Nafarroako Gobernuko Kanpo Harremanetarako zuzendari nagusia den Sergio Pérez García ere bertan izan zela.
Hona hemen ordezkaritza osorik, zapiak eta Oibarko liburua entregatu ostean.
Gaur arratsaldean, “Aibar/Oibar iruditan” VI. Argazki Lehiaketaren sariak banatu dira Jubilatuen Klubean. Ainhoa Orzanco eta Asier Martinez kultura zinegotziak izan dira sariak banatu dituztenak, parte-hartzea eskertu eta irabazleak hautatzeko zailtasuna adierazi dutelarik.
Nabarmentzekoa da irabazleak, Roberto Elizalde Juantok, Zangozako bizilagunak, irin-fabrikan egindako argazki batzuk partekatu nahi izan dituela. Horietan, argazki irabazlea ez ezik, Purroy familiak emandako informazioari buruzko aipamen bat ere badago. Esteka honetan ikusgai daude argazkiak.
https://sites.google.com/view/conocer-aibar-oibar/lugares-y-gentes-con-historia/la-antigua-harinera
Data hauetan ohikoa den bezala, askotariko jarduerak biltzen dituen abendurako eta urtarrilerako programazioa aurkeztu da. Aurten, nobedade gisa, Haur Zentroan gauzatuko diren haurrentzako jarduerak ditugu, hala nola, zinema eta Gabonetako txotxongiloak. Kontrara, abenduaren 3ko eguerdian eskaini ohi den kontzertua bertan behera geratu behar izan da.
Programazio osoa biltzen duten triptikoak asteburu honetan banatuko dira etxeetan, nahiz eta auzo batzuetan jada badauden. Udaletxean eta Frontoi Tabernan ere eskuragarri egongo dira.
Plaza Consistorial
Sancha de Aibar, 1
31460 Aibar, Navarra
Tel: 948 877 005
info@aibar-oibar.org